نامەيەك بۆ كورده
نامەيەك بۆ " كوردە " و چاوەجوانەكاني.
بە يادي رێژنەي پێكەنينەكانمان و " بە دۆعا هيوا گەنماويەكان، بە دۆعا... " *
چۆنتري خاتون؟
دەنگ و باسي ئەم كاتانە و زەوي ژێر پێت؟
منيش باشم. ژيان بەردەوامە و ئارەزووەكانيش، لەم خاكەي ژێر پێم خەساوترن.
لێرە سووتان، واتە من و
مردن، واتە بێدەنگيي قومقومەيەكي چڵكني نێو جانتايەكي بێ هاورێ، لە ژێر ئاسمانێكي غەريبدا و... غەريب.
ئاشق بوونيشم، ژوانێكي بێ ماچە و ... دوور.
لێرە سێدارە ئامێزي بۆ ماچ ئاوەڵايە و
رەشبەڵەكي تنۆكە خوێنەكان، بەدەم بزەي هەنيسكەوە... ماڵي ئاوا چۆپي كێش!
جگەرەيەك دائەگيرسێ و خاك لە ژێر پێمان، هوون هوون ئەگري و ئێمە نابيستين. خاكمان بە سەر.
لێ گەرێ لە ژوان...
زۆر خەونمان بە بارانەوە دي.
تەمەن كورتە هاورێ. كورتتر لە سڕينەوەي فرمێسكێكي بێ ئۆقرەي بێ لانە.
كەواتە ماچێك بۆ هيواكانمان و پێكەنينێك بۆ ساچاني دڵتەنگي دابڕاني ئەبەدي ئێوارانمان.
لە بيرمداي و بەهيواي ديدارێكي ئەرخەواني، لەوبەري پردۆڵەكەي بيرەوەريەكانمان.
و ە ڕ ە ز ي ت ئەكەم .
سڵاو هاورێم...
برچسب: ،